Bosh sahifa
<QN/>

Men haqimda

Men Qudratjon Nuriddinov — Toshkentda ishlaydigan fullstack dasturchi. 2021-yildan beri web ilovalar quraman: hozir Business Development Bank'da bankning ichki tizimlarini ishlab chiqaman, undan oldin O'simliklar karantini agentligida 2000 dan ortiq foydalanuvchiga xizmat qiladigan CRM va butun bir LMS platformani boshdan-oxir yaratganman.

Karyeramni frontenddan boshladim va uzoq vaqt shu yerda qoldim — interfeys foydalanuvchi ko'radigan yagona narsa. Lekin CRM va LMS kabi tizimlarda frontend chegarasi tez tugaydi: ma'lumotlar bazasi noto'g'ri loyihalangan bo'lsa, hech qanday React optimizatsiyasi uni qutqarmaydi. Shuning uchun Node.js, Express, keyin NestJS va PostgreSQL'ni o'rgandim. Bugun men uchun «frontend» va «backend» alohida ish emas, bitta mahsulotning ikki tomoni.

Ish uslubim sodda: avval muammoni tushunaman, keyin kod yozaman. Loyihaning birinchi kuni men so'raydigan savol «qaysi framework?» emas, «bu tizimdan kim, qanchalik tez-tez va qanday qurilmada foydalanadi?» — chunki javob arxitekturani ham, dizaynni ham belgilaydi.

Tezlik men uchun estetika emas, talab. Karantin agentligidagi LMS'da Largest Contentful Paint'ni 4.1 soniyadan 1.7 soniyagacha tushirganman; Energy Trucking'da ilova yuklanish vaqtini 20–30% qisqartirganman. Bu raqamlar orqasida oddiy narsa turadi: sekin sayt — bu tark etilgan sayt.

Sifat ham xuddi shunday. Bankda frontend kodbazasi uchun Jest bilan unit-test standartini joriy qildim va muhim modullarda 70% dan ortiq qamrovga chiqdim. Test yozish ishni sekinlashtirmaydi — u reliz kechasida qo'ng'iroq qilinishining oldini oladi.

Bundan tashqari o'rgatishni yaxshi ko'raman. Robotics Lab'da 10 dan ortiq junior dasturchiga mentor bo'lganman, undan oldin pandemiya davrida bitiruvchi sinf o'quvchilariga matematikadan bepul dars berganman. Murakkab narsani sodda qilib tushuntira olish — dasturchining eng kam baholanadigan ko'nikmasi.

Ish tamoyillari

01

Muddat — va'da, taxmin emas

Aytilgan sanani beraman va unga yetaman. Kechikish ehtimoli paydo bo'lsa, oxirgi kuni emas, o'sha kuni aytaman.

02

Kod boshqalar uchun yoziladi

Loyihani ertaga boshqa dasturchi davom ettirishi mumkin. Shuning uchun struktura ham, izohlar ham u uchun yoziladi.

03

Tezlik keyin qo'shilmaydi

Core Web Vitals birinchi kundan hisobga olinadi. Tayyor loyihani tezlashtirish har doim qimmatroq turadi.

04

Xohlagan narsangiz emas, kerak bo'lgan narsa

Agar sizga soddaroq va arzonroq yechim yetarli bo'lsa, buni aytaman — hatto bu men uchun kichikroq ish bo'lsa ham.

Ta'lim

Kompyuter injiniringi (bakalavr)

Toshkent Axborot Texnologiyalari Universiteti

Sen 2019 — Iyn 2023

Ma'lumotlar tuzilmalari va algoritmlar, kompyuter arxitekturasi, o'rnatilgan tizimlar, dasturiy ta'minot injiniringi.

Volontyorlik

Matematika o'qituvchisi

46-maktab, Safirkan, Buxoro

Sen 2020 — Dek 2021

Pandemiya davrida bitiruvchi sinf o'quvchilariga bepul dars berdim — universitetdagi kunduzgi o'qish bilan bir vaqtda. Ko'pchilik davlat imtihonlarini muvaffaqiyatli topshirdi.

Tillar

  • O'zbekOna tili
  • InglizProfessional daraja
  • RusSuhbat darajasi

Tillar

  • TypeScript
  • JavaScript (ES2022+)
  • SQL
  • HTML
  • CSS

Frontend

  • React.js
  • Next.js
  • Angular
  • Tailwind CSS
  • Shadcn UI

Holat va formalar

  • Redux Toolkit
  • Zustand
  • React Query
  • RxJS
  • React Hook Form

Backend va ma'lumotlar bazasi

  • Node.js
  • Nest.js
  • Express.js
  • PostgreSQL
  • MongoDB
  • TypeORM

Testlash

  • Jest
  • Vitest
  • React Testing Library
  • Playwright

DevOps va deploy

  • Docker
  • GitLab CI
  • GitHub Actions
  • Nginx
  • Linux

Tezlik

  • Core Web Vitals
  • Lighthouse
  • SSR / SSG / ISR
  • next/image

Integratsiyalar

  • Telegram Bot API
  • REST
  • GraphQL
  • S3
  • Leaflet.js

Qaysi biri sizga mos ekanini bilmayapsizmi?

Loyihangizni qisqacha yozing — bepul maslahat beraman va nima kerakligini birgalikda aniqlaymiz.

Yozish